Бидете Beyonce за Новогодишната вечер!

Посебно избрано место, забавно лудо друштво, музика по желба и вкус, перфектно одбрана гардероба, фризура и шминка со стил, чаша(и) жесток пијалок за здравица, незаборавна забава, луда откачена вечер и милиони желби за подобра, најдобра, нова година... 31 Декември оваа 2011 година.

Се ближи зарем не? Стресот се чувствува... Каде да одам? Како да ги споите друшството и вашиот сакан во една вечер? Што да одберам за подарок како изненадување? Што да оставам зад себе? Што ме чека во новата 2012? Но најважно од се и пред се, нека оди се по ѓаволите, ШТО ДА ОБЛЕЧАМ за пречек на Новата Година???

Сите сакаме да изгледаме спектакуларно, да ги освоиме сите со нашиот изглед и нашата појава... убаво, гламурозно и со стил да ја поздравиме 2011 и исто така да ја пречекаме 2012... ајде на здравје, гламурозна нова 2012... Нови почетоци, нови цели, нови насмевки... Нови освојувања, нови надежи... 

Но за да му се насмевните на 1 Јануари и на новата 2012 потребна ви е самодоверба,  беспрекорност, грациозност, гламурозност, убавина и стил

Сите сакаме ете баш така да ја испратиме старата и да ја дочекаме новата година... со надеж дека ќе биде убава, поубава, најубава...

Но на кој му е гајле каква ќе биде таа 2012 (крајот на светот а? што?) кога најважно е КАКО ЌЕ ИЗГЛЕДАМ ТАА ВЕЧЕР!!! :)

Да започниме со еден од МНОГУТЕ идеи... Стилот на Бијонсе...

Според мене, една од најубавите жени, жена со стил, префектен и спектакуларен изглед каде и да се појави... 

Ете, нејзиниот стил може да ви биде пример за тоа како да изгледате на Новогодишната вечер...

Бијонсе секогаш избира внимателно и никогаш не претерува со модните додатоци. 
Изгледајте беспрекорно добро на Новогодишната ноќ следејќи ја баш неа :) 

За почеток, онака прво, ако важиот избор за дочек на новата година е собир со друштво во некоја куќа, некое малечко место, нечиј дом или можеби вашиот...  тогаш изберете полежерен изглед. 

Бијонсе е пример дека и лежерното може да биде женствно, убаво, привлечно и гламурозно.
Пример, одберете лесна туника или кратко лежерно фустанче... лесни материјали, по некоја апликација и секако вашата слобода за игра.
Високи салонки или кратки чизмички, сеедно, танки хулахопки во боја која вие ќе ја изберите. Шеширче, шапка, марама, обетки, алки... изборот е ваш :) Се зависи од тоа колку елеганција сакате да додадете на лежерниот изглед!

Втората комбинација за полежерен стил е избор како за пречек во некоја куќа така и за пречек во некое кафуле доколку сакате да изгледате опуштено, симпатично, слатко и доколку сакате да оставите впечаток на девојче или девојка која е самоуверена своја и слободна.

Ова можеби е и најдобриот избор за височките, слаби девојки со долги нозе како и за оние кои сметаат дека нивните нозе се нивниот најголем квалитет. А каков би бил тој дочек доколку не го истакните она најдоброто кај вас?
Кратките пантолончиња во било која боја, дезен и крој се фноменален избор доколку се пронајдовте во претходните неколку реченици.
Оваа година и сезона есен/зима дозволено е играње на боите како и присуство на подречливи бои. Но доколку се одлучите да носите пантолончиња и блузичка/кошула во една боја која е актуелна оваа сезона, на пример портокалова, тогаш СЛОБОДНО осмелете се да си поиграте со уште ЗАДОЛЖИТЕНИ ДОДАТОЦИ ВО 3 БОИ по ваш избор и се разбира да одговараат една со друга, но да одговараат и со портокаловата основа...  
Изборот на Бијонсе на оваа слика е обично, лежерно а сепак женствено.
Кратки црни пантолнчиња, маичка од конец во 3 бои, модни додатоци кои ја разбиваат монотонијата и високи црни подпетици.
Зошто да не?

Третата комбинација е уште еден избор на полежерен стил. Опуштено но истовремено и гламурозно.

Ако сте обожавател на хеланките тогаш зошто не би ги носеле и на Новогодишната вечер? Посебно ако изгледате феноменално во нив, ако тие ја истакнуваат вашата фигура и вашите убави облини. 
Би рекла дека хеланките се и добар избор и за оние кои новогодишната вечер ќе ја дочекаат во рок клуб, рок музика и рок бенд. Посебо кожни хеланки, маичка со светликави елементи или доколку е обична тогаш ќе го дадете тој впечатлив светликав елемнт на Новогодишната вечер преку некое посебно ланче, алки и мали впечатливи обетчиња.
Секако, високите подпетици или чизмички до глуждови на висока подпетица се задолжителни за вашите хеланки. Високата подпетица ги издолжува и обликува нозете а токму тоа ни треба при избор на хеланки зарем не?
Изборот на Бијонсе е едноставни обични хеланки со сатенски ефект и едноставен корсет кој на долниот дел има светликави елемнти за да ја разбие целата монотонија, и кожни чизмички со висока подпетица.
Заводливо зарем не?

И последно, кога станува збор за гардеробара, се кратките фустанчиња...
Драги мои, кој може да им одолее?
Бијонсе изгледа феноменално во нив при секоја појава, зошто и вие не би изгледале феноменално за новогодишната вечер?
Не знам за вас, но јас знам дека мојот избор ќе биде кратко фустанче во некоја впечатлива боја.
Оваа нова година ќе ја разбијам монотонијата и ќе си пограм со боите, всушност и светските модни креатори го дозволуват тоа, па зошто да не го применам? :)
Во прилог ви оставам неколку фотки од предлози за фустанчиња и нивно комбинирање според боите и стилот со висоските подпетици и модните детали.
Уживајте! Можеби некоја комбинација на Бијонсе ќе биде баш ваш избор за пречекот на Новата 2012 година!
  

Откако се облековме време е да ја средиме и фризурата но и шминката нели? :)

Еве како да изгледате како Бијонсе!!!

Фризура: 

- http://www.youtube.com/watch?feature=player_embedded&v=0s4S-c2lvXo

- http://www.youtube.com/watch?feature=player_embedded&v=pKZyIXIyS74

Шминка: 

Најчестото од Бијонсе, smokey eye!

- http://www.youtube.com/watch?feature=player_embedded&v=p0Di14J5B0I

или обична, а сепак впечатлива и гламурозна!

- http://www.youtube.com/watch?feature=player_embedded&v=aUYnm08OJRs

(имав проблем со прикачувањето на видеата па мораше да одат како линкови, сори)

п.с. Оставете ми коментарче плус за тоа која позната личност би можела да биде инспирација за вашата Новогодишна вечер... па ќе направиме нешто слично вакво :) 

ПОЗДРАВ!!!

with <3
butterfly