Височините на самракот четврти дел

Детективот Жак повторно се врати во дворецот на грофот Кристофер. Со денови размислуваше за убиството, го проучуваше секое ќоше од собата каде што беше убиен грофот Кристофер. Еден ден гледајќи ја полицата наредена со книги, забележа една книга со црвени корици. Тој ја зеде. Всушност тоа не беше само обична книга. Тоа беше дневник. Детективот прво помисли дека е дневникот на грофот Кристофер, но кога ја отвори првата страница виде дека го пишува името на неговиот татко. Пишуваше Франсоа. Детективот Жак беше заинтересиран за дневникот и посебно го привлече една страна на која пишуваше:

   Година 1877

Бев среќен што ќе добијам уште еден син.

Но, не сакав да ја изневерам Роуз.

Ако дознае таа за тоа, би ме оставила.

Но, јас не ја сакам неа, ја сакам Полин и

многу сум среќен што ќе имам син со неа.

Да веќе одлучивме и за име и двајцата бевме среќни.

Нашето дете ќе се вика Даниел. Јас исто така

многу ги сакам и Кристофер и Лиза. Мојата

мала принцеза Лиза. Таа е сеуште бебе.

Мојот син Даниел нема да биде дознаен, но

ќе биде признаен од моја страна. Секој

месец ќе и праќам пари на мојата 

Полин, за да го изгледа Даниел. И ете сега си легнувам

со мисла дека еден ден моите синови и мојата ќерка

ќе бидат среќни и ќе се запознаат...

Франсоа.

 

- Интересно. - Помрморе детективот Жак.

Потоа го зеде дневникот со него и излезе од дворецот. Се врати во полициската станица. Таму беше Мишел.

Таа праша:

- Жак, дали најде нешто?

Детективот Жак одговори:

- Да, најдов многу интересен податок. Запишан е во овој дневник. Тоа е дневникот на грофот Франсоа, таткото на грофот Кристофер. Тука пишува дека Франсоа имал уште еден син, но вонбрачен. Жената со која го имал синот се вика Полин. Можеби денес не е жива, но жив е нивниот син. Даниел се вика.

Мишел рече:

- Интересна приказна. Но, каде можеме да го најдеме тој Даниел, Жак? Мислиш дека лесно ќе го најдеме?

Детективот Жак рече:

- Ќе го најдеме. За тоа сигурно знаат неколку личности како Марија или Џејмс, а можеби и тој Карло знае. Затоа мора да разговараме со нив и да ја дознаеме адресата на Даниел. 

Мишел праша:

- Жак, а зошто ни е важен Даниел? Да не се сомневате дека и тој е убиецот на грофот Кристофер?

Детективот Жак одговори:

- Сите се осомничени денес. Мораме да го најдеме вистинскиот убиец и да го казниме. Затоа, јас повторно ќе идам во дворецот, а вие со Марк отидете повторно кај Карло. Така ќе дознаеме и мислам дека подобро би течела истрагата.

Мишел рече:

- Во ред Жак веднаш одам да го најдам Марк и да одиме кај Карло.

Жак рече:

- Одлично. Јас исто така одам во дворецот. Малку ми е морничав тој дворец и крие многу тајни, но јас ќе ги дознаам сите една по една.

Мишел рече:

- Не се сомневам во тебе Жак. Ајде се гледаме.

И Мишел заминува, а Жак останува да размислува...

                                    ПРОДОЛЖУВА.....

http://glamstik.mk/stories/literatura/visocinite-na-samrakot-prv-del/ - Првиот дел

http://glamstik.mk/stories/literatura/visocinite-na-samrakot-vtor-del/ - Вториот дел

http://glamstik.mk/stories/literatura/visocinite-na-samrakot-tret-del/ - Третиот дел